RTV Maastricht

Prins Ronald I vaan KV De Mammoeters

Op zaoterdag 14 jannewarie 2023 is in buurtcentrum de Romein Prins Ronald d’n 1 ste es 58 ste Hoeglöstigheid vaan K.V. de Mammoeters ’64 oonder ut maske oetgekoume.

De prinselekke rizidensie ligk aon de Koninksemstaot 71 op de Haozendans. In ’t daogeleks leve is ’t Ronald Pauly en is heer 4x 11 jaor geleje op de wereld gekoume in Tongeren en greujde op in Vroenhoven.Um te wèrke kaom heer nao Mestreech en ’t begin waor in 1997 bij KNP Leykam, dao werrekheer nog altied es supply chain planner, allein noe oonder de vlag vaan SAPPI.In 2009 trowde heer mèt zien Roxanne en zien ze in 2011 op d’n Haozedans koume hojze.Same höbbe zie 3 jungkes, Robin (12), Dex (9) en Xavi (7), d’n hoond Sjef maak de femilie compleet.

Oonder ’t motto 'Dee gooie awwe tied' zal Prins Ronald 1 e vaan de Mammoeters Potteberreg, Belfort en de Haozendans veurgoon in unne oonvervalste Mestreechse vastelaovend.