Ode aon De Köp editie 2024, deil 1

’t Firnamint blauw…….Mestreech roed en wit…..de Vastelaovendvierders vaan binnen roed, geel en greun en vaan boete oetgedos in alle kleure vaan de regenboug. Nog einen daag…… die heerleke oetdagende combinatie vaan ‘iech kin neet mie’ en ‘ouch wat erg tot ’t mörrege weer um is’.

Stadsfotograaf Laurens Bouvrie verzamelt in die drei zwoer daog ’t liefste De Köp. Al die mombakkes vaan eine groete doorein die de Mestreechter Vastelaovend onvergeliekbaar make. Ouch heer geit, op zien tandvleis mer met gooje mood, d’n derde daag beleve. Wel sjik heer uuch tösse de bedrieve door zien Ode aon De Köp editie 2024. 

Foto's en tekst: Laurens Bouvrie