Volledig in extase heet ‘t Vastelaovend Vierend Volk vaan Mestreech op de grens van Vastelaovendsdinsdag en Asselegoonsdag aofsjeid genome vaan de Mestreechter Vastelaovend 2023.

En wat waors ‘t ouch ‘nne adieu veur Prins Stefan I, Prinses Aimée en hun keender. Met, helaas zou me haos zegke, want de zuus gein hand veur d’n ouge, Bengaals vuurwerk mer veural hiel väöl emoties bij ‘t zinge vaan Hoera Vivat! Mestreech,doog de prins zien prinseleke kap aof, gaof heer de scepter aon Tempeleers-veurzitter Bastiaan Klomp. 

Fini is Vastelaovend 2023. Mer um noets te vergete.De letste twie oor waore veur de prinseleke familie nog eine kier ein groete achbaonervaring. Die begoos bove op het podium bove de Vogelstruys. Dao ging Prins Stefan nog eine kier volledig los en ging de vierders volledig met ‘m met.