'Loede Pin' vaan Keemeleers veur Brouwerij Bosch

Eder jaor iere De keemeleers ‘ne persoen of instèlling dee ziech bezunder verdeenstelek heet gemaak veur Mestreech en Wiek in ‘t bezunder mèt de 'Loede Pin'.
Dit jaor höbbe zie de 'Loede Pin' oetgereik aon Stiechting Brouwerij Bosch.

In de Wieker Grachstraot ligk de lèste complete stadsbrouwerij vaan Mestreech mèt mouterij, brouwerij en brouwerswoening. Sinds  1758 is dao beer gebrouwe. Brouwerij Bosch greujde oet tot ein vaan de groetste brouwerije vaan eus stad. In 1970 kaom dao ‘n ind aon. Venaof dat momint is d’n tied stèl blieve stoon. Venaof aofgeloupe jaor weurt weer kleinsjaoleg gebrouwe bij Brouwerij Bosch. De stiechting Brouwerij Bosch heet deveur gezörg tot de brouwerij in stand weurt gehawwe es industrieel momumint. ‘t Pand is gerestaureerd en dao weure roondleiinge, beerpreuverije en eveneminte georganiseerd.

Zoe weurt de traditie vaan ‘t brouwe vaan beer in eus sjoen Wiek in stand gehawwe en is de historie veur ederein ziechbaar! ‘ne Chapeau veur ‘t werk vaan de stiechting en vaan de vrijwèllegers.

foto's en tek: FB-pagina De Keemeleers